kuch gujare lamho ke bare me soch raha tha
phir soch ki paltun un panno ko
jis kitab ka akhiri chapter abhi baki hai
jab socha un lamho ke bare me to dekha
kuch dost lad rahe hai kuch has rahe hai
aur usi beech ek roshni hai jo
meri ankho me sama si gai hai
aur mujhe yad dila rahi hai aur keh rahi hai
ki kahan hai vo dost jo kabhi apne hantho se ek dusare ko khana khilaya karte the
kahan hai vo dard jo hum ek dusare ke liye bata karte the
kahan hai vo samay jo hum ek sath bitaya karte the
aur kahan hai vo jhagde jo pal bhar me hi simat jaya karte the
jab maine use jawab diya
to andhera sa cha gaya
roshini ne muh mod liya
aur me ghirti tanhaiyon me agaya
kahan maine us roshni se
ki vo hath ab badua mangne ke liye uthte hai
ki vo dard ab hum akele hi sehte hai
ki vo samay ab kate nhi kat ta hai
ki vo jhagde ab samete nhi simat te hai
ki kya thi vo vajah
jo is kadar ho gaye hum juda
ki jin dosto ke nam sunte hi hontho par muskurahat ajati thi
ki vohi nam sunte hi hote hai hum kyu khafa
ki ae dosto milo phir dubara
jo reh gaya hai chapter adhura
use pura karna lakshya hai hamara.........

write by
(Gaurav kashyap)